Səməd İzzət oğlu Behrəngi Təbrizdə kasıb fəhlə ailəsində doğulmuşdur. “Tərbiyət” məktəbində oxuyub, Təbriz Müəllimlər Kollecini bitirib. 11 il müəllim işləyib. Təbriz Universitetinin filologiya fakultəsinin ingilis dili şöbəsində təhsil alıb. O, Azərbaycan nağıllarını fars dilinə tərcümə edərək həmkarı Behruz Dehqani ilə birlikdə nəşr etdirib. Eyni zamanda fars dilindən doğma dilə çevirdiyi yazıları dövri mətbuatda çıxıb.
İranda Azərbaycan türkcəsində kitab nəşri yasaq olduğundan farsca yazmalı olsa da, mənfur şah rejiminin haqsızlığı ilə ömür boyu barışmayıb. İnqilabi düşüncəli gənc yazıçı həyatını bu mücadilədə itirib...