Şekspir və Aqata Kristidən sonra əsərləri xarici dillərə ən çox tərcümə olunan ingilis yazıçısıdır. İlk kitabı 1924-cü ildə işıq üzü görüb və böyük maraqla qarşılanıb. «Dəcəl qızlar», «Sirli yeddilik» kimi məşhur əsərlərin müəllifidir. Azərbaycanda ilk dəfə nəşr olunan «Möhtəşəm beşlik» seriyası isə Blaytona dünya şöhrəti qazandırıb.

Seriyaya daxil olan bu kitabda dörd uşaq və onların sevimli köpəyi növbəti yay tətilini Billikok təpəsində qurduqları düşərgədə keçirmək qərarına gəlir. Lakin yenə də qeyri-adi hadisələrin iştirakçısına çevrilirlər. Təpənin yaxınlığındakı hərbi aerodromdan iki təyyarə qaçırılır. Bu çox təhlükəlidir: çünki dövlətin sirləri düşmən ölkənin əlinə keçə bilər. Bəs təyyarələri qaçıranlar kimlərdir? «Möhtəşəm beşlik» həmin suala cavab axtarmağa başlayır...