Kitab haqqında qısa məlumat

Əslən irlandiyalı olan Mayn Tomas Rid 20 yaşında ikən ABŞ-a getmişdir. Onun bir çox əsərləri də Amerika həyatından bəhs edir. Bu əsərlərdə müəllif ABŞ-ın müstəmləkəçilik siyasətini, qul alverinin dəhşətlərini, Amerika hindularının həyatını təsvir etmişdir.
“Oseola – seminolların başçısı” əsərində müstəmləkəçilərə qarşı müqavimət göstərmiş seminolların azadlıq uğrunda mübarizəsi təsvir olunmuşdur. Romanda ABŞ hökumətinin seminolların Floridadan tamailə sıxışdırılıb çıxarılmasına yönəldilmiş siyasəti tarixi həqiqətə uyğun göstərilmiş, Oseolanın timsalında azadlıqsevər hinduların ümumiləşmiş obrazı yaradılmışdır.